Aktorja e njohur rrëfen tmerrin: Si shkoja në shkollë me çekiç në lagjen e Bajrave

Aktorja e njohur, Rudina Dembacaj ka bërë një rrëfim ndryshe për jetën e saj në emisionin “Ftesë në 5” në Top Channel.

Gjatë bisedës në studio, ajo i qëndroi besnike argumentit se fëmijët dhe jo vetëm, duhet të jenë të stërvitur se si të reagojnë në situata kur cenohen të drejtat e tyre apo preken fizikisht.

Thënë këtë, aktorja ndau me ndjekësit e “Ftesë në 5” një detaj nga koha kur ishte në universitet, duke rrëfyer për herë të parë se gjatë katër viteve të shkollës, ka mbajtur në çantë një çekiç për vetëmbrojtje.

“Studioja për juridik. 4 vite shkollë, të betohem, unë i kam bërë më çekiç në çantë, sepse nuk kishte ndriçim dhe kisha frikë. Jetoja në lagjen “Rus” në Shkodër dhe aty ishte shumë e frikshme. ishte tmerr. E mbaja çekiçin për vetëmbrojtje por të betohem se nuk më është dashur ta përdor në asnjë moment,”– tregoi moderatorja Rudina Dembacaj ndër të tjera.