Aksioni opozitar dhe protestat, Kryemadhi me urgjencë në zyrën e Bashës

Kryetari i Partisë Demokratike Lulzim Basha aktualisht është duke zhvilluar një takim me kryetaren e LSI Monika Kryemadhi.

Kryemadhi mësohet se ka shkuar në zyrën e Lulzim Bashës në selinë e PD që në orët e para të mëngjesit.

Ky takim vjen para nisjes së aksionit opozitar.

Në fokus të këtij takimi është vijimi i aksionit opoziar dhe rruga  që do të ndiqet për zgjidhjen e krizës politike që po kalon vendi.

Një ditë më parë u njoftua se gjatë ditës së sotme Basha do të takohej me partitë aleate, gjë që duket se ka nisur me kryetaren e LSI-së, Monika Kryemadhi.

Opozita ka paralajmëruar organizimin e protestave në shtator me qëllim largimin e Edi Ramës dhe krijimin e një qeverie tranzitore, që do të çojnë vendin drejt zgjedhjeve të parakohshme.