Aksident tragjik në Gjermani, ndërron jetë futbollisti shqiptar (EMRI-FOTO)

Pas një aksidenti tragjik të ndodhur mbrëmjen e djeshme në Gjermani, ka ndërruar jetë futbollisti shqiptar Amir Ademi.

Ademi, i cili aktivizohej te FC Kosova Regensburg në Gjermani, ka pësuar një aksident automobilistik me një makinë të tipit “Volkswagen Passat”, ku ka ndërruar jetë menjëherë pas përplasjes.

Amiri ishte një nga lojtarët më të mirë të skuadrës ku ai luante, me të cilët ishte pjesë që nga viti 2016.

Për shkak të kësaj ngjarje të rëndë të 22-vjeçarit, janë anuluar të gjitha ndeshjet për këtë javë në ligën e ulët gjermane  ku bën pjesë Fc Kosova Regensburg.

Diçka të tillë e ka komunikuar vetë klubi ku aktivizohej lojtari, të cilët nëpërmjet një postimi në “Facebook”, shkruajnë: “Ngushëllime familjes dhe të gjithë miqve për këtë humbje të madhe, Amiri do të jetë gjithmonë në zemrën tonë”, shkruhet në postimin e klubit.