Zbardhen detajet, si u nxorr nga përroi i mbytur 64-vjeçari nga Tirana

Detaje të reja kanë dalë nga ngjarja në Gjirokastër. Një person është gjetur i vdekur mbrëmjen e sotme në Përroin e Dunavatit në Gjirokastër, në lagjen muzeale të qytetit.

Pas 2 orë përpjekjesh, për shkak të terrenit të vështirë, policia ka mundur të nxjerrë trupin e pajetë dhe të identifikojë atë.

Bëhet e ditur se ai është Bujar Gjashta, 64 vjeç nga Tirana dhe se ka rënë nga një lartësi mbi 10 metra dhe ka gjetur vdekjen e menjëhershme. Më herët u raportua nga “panorama”, se viktima ka qenë një ish-avokat.

Me kalimin e orëve dhe përditësimit të informacioneve, mësohet se 64-vjeçari kishte shkuar si turist në Gjirokastër. Ai ishte i shpallur i humbur ditën e djeshme. Deri tani, nuk dihet asnjë gjë për viktimën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern