Tragjike, ish-çiklisti shtypet nga kamioni në Korçë

Një ngjarje e rëndë ka ndodhur në dalje të qytetit të Korçës.

Ish-çiklisti korçar, Valter Kamenica 59-vjeç është përplasur me një kamionin  e tonazhit të rëndë, i cili ishte i parkuar në këtë aks.

Për pasojë ka marrë dëmtime të rënda drejtuesi i biçikletës shtetasi V.K, i cili u dërgua për ndihmë mjekësore në Spitalin e Korçës, ku ndërroi jetë.

Grupi hetimor po punon për të zbardhur rrethanat e ngjarjes dhe përcaktuar shkaqet e aksidentit.