LIGJET E BIZNESIT
Sot është festa e Kurban Bajramit për të gjithë besimtarët myslimanë në botë. Në vendin tonë si zakonisht kremtimet për këtë festë nisën me faljen e mëngjesit në sheshet kryesore të qyteteve.
Në Tiranë besimtarët e shumtë mbushën sheshin “Skënderbëj” për të falur namazin e Bajramit në orën 7:00.
Besimtarëve në këtë ceremoni iu foli kreu i KMSH, Bujar Spahia, i cili vuri theksin në rëndësinë e kësaj feste për besimtarët, e lidhur fortë me traditën shqiptare. Spahia bëri apel për më shumë harmoni dhe paqe në shoqëri dhe që të gjithë të bashkojnë forcat për të ecur drejt prosperitetit.
Kurban Bajrami është një nga dy festat më të rëndësishme në besimin islam.
Me këtë rast, redaksia e Fast News Albania uron të gjithë besimtarët për më shumë gëzim dhe prosperitet në familjet e çdo shqiptari.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
