Rama publikon fotot nga bulevardi i Vlorës, paralajmëron dhe një tjetër investim akoma më të fuqishëm

Kryeministri Rama në vazhdën e promovimit të investimeve të qeverisë në kuadrin e rilindjes urbane, këtë herë është ndalur në Vlorë.

Rama shkruan se pas përfundimit total të bulevardit të Vlorës do të fillojë puna për rikualifikimin e sheshit të Flamurit, një simbol për Vlorën dhe gjithë vendin.

Kreu i qeverisë shkruan se me këtë investim, do të rritet më tej fuqia tërheqëse e qytetit turistik.

“Pak nga pak po del në dritë edhe Bulevardi “Ismail Qemali” në Vlorë, ku pas dekadash degradimi e zymtie të pistë, po rritet fuqia tërheqëse e qytetit turistik, vlera e apartamenteve e njësive tregtare, mundësitë e punësimit e të vetëpunësimit përmes shërbimeve, interesi për investime të mëdha private në turizëm.

Gur- gur bëhet mur e mur-mur bëhet kalaja, duke përballuar padurimin epik të vlonjatëve dhe sharjet e përqeshjet e atyre që për çdo punë kanë një llaf të keq për të thënë. Së shpejti Sheshi i Ri i Flamurit dhe të tjera akoma…”, shkruan Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

.