Policia Rrugore me ‘dorë të hekurt’, kush është gabimi i vetëm që ndëshkoi 758 shoferë në Tiranë (VIDEO)

Policia rrugore e Tiranës me anë të një njoftimi bën me dije se ditët e fundit janë ndëshkuar 758 shoferë për përdorimin e celularit gjatë drejtimit të automjetit.

Duke postuar edhe një video me rastet e shkeljeve të konstatuara, policia njofton se rrugorët e kryeqytetit janë angazhuar me forma kontrolli nga më efikaset, përfshi edhe agjentët civilë të cilët monitorojnë dhe dokumentojnë sjelljen e shoferëve në yona të ndryshme të kryeqytetit.

NJOFTIMI ZYRTAR I POLICISE

Nisur nga rreziku potencial, që mbart përdorimi i aparatit celular gjatë drejtimit të mjetit, si dhe nga fakti që në shumë aksidente rrugore, është provuar se shkak është bërë përdorimi i aparatit celular, rrugorët e kryeqytetit janë angazhuar me forma kontrolli nga me efikaset, përfshi edhe agjentët civilë, të cilët monitorojnë dhe dokumentojnë sjelljen e përdoruesve të rrugës në zona të ndryshme të kryeqytetit.

Duke vlerësuar si trend negativ, gjithmonë e më shumë, përdorimin e aparatit celular,, Policia rrugore e Tiranës do të vijojë në mënyrë permanente me verifikimet dhe procedimet administrative për këtë shkelje, pasi vetëm gjatë ditëve të fundit janë verifikuar dhe ndëshkuar 758 drejtues mjetesh për përdorim të aparatit celular gjatë drejtimit të mjetit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

#KujdesTelefonataPretMungesaeVëmendjesVret#