Mahnitëse, del në shitje vila 13 milionë dollarëshe e Valentino-s

Stilisti i famshëm italian,  Valentino e ka nxjerrë në shitje një vilë të tijën super luksoze në Itali.

Vila e ndodhur pranë fshatit Cetona, pjesë e provincës së Sienës, zotërohet prej vitesh nga Valentino, i cili tashmë duket se dëshiron ta shesë atë.

Plot 13 milionë dollarë kërkon Valentino për këtë pronë të tijën.

Të gjitha paratë, të cilat mund të duken shumë, në fakt janë të merituara nga kjo vilë. 15 dhoma, pishinë, kopsht me 365 ditë gjelbërim dhe stili unik i ambienteve të brendshme e bëjnë këtë godinë një muze të gjallë dhe çdo pasanik do donte të kishte të vetën.