Bllokimi i 550 tonëve naftë, Rama: Do godasim të mëdhenjtë në fillim

Kryeministri Edi Rama ka reaguar përmes një postimi në rrjetet sociale në lidhje me aksionin e fundit kundër antiinformalitet. Në një reagim në facebook, Rama ka shkruar për aksionin e bllokimit të 550 tonëve naftë nga rafineria e Ballshit.

Sipas Ramës të gjithë ata që punojnë në këtë sektor duhet t’i binden ligjit, ose ligji do t’i godasë ata.

Për kreun e qeverisë në lup fillimisht do të jenë grosistët e mëdhenj të këtij sektori.

KUSH MERRET ME NAFTE DUHET TE ZGJEDHE: O SIPAS LIGJIT O GODITJEN E LIGJIT?

550 ton karburant jashtë standardeve, gati për të dalë në treg, u bllokuan sot në rafinerinë e Ballshit?

Lufta kundër Informalitetit nuk do të ndalet asnjë orë dhe para asnjë subjekti, duke filluar çdo ditë me të mëdhenjtë në radhë të parë!

Ata që nxjerrin, përpunojnë apo tregtojnë naftë, janë në shënjestrën e strukturave të shtetit dhe s’do të kenë asnjë shteg jashtë rrugës së ligjit e të standardeve që meritojnë konsumatorët.

Informaliteti në dëm të cilësisë është po aq i dëmshëm dhe i patorerueshëm, sa edhe informaliteti financiar në kurriz të konsumatorit e të shtetit!