Zgjedhjet e 30 qershorit, PD padit komisionerët dhe numëruesit e votave në Lezhë

Ditën e sotme Partia Demokratike ka ngritur një padi për komisionerët dhe numëruesit e Partisë Socialiste në Lezhë për zgjedhjet vendore të 30 qershorit.

Partia Demokratike dega Lezhë bën me dije se ka paraqitur në Prokurorinë e Rrethit Gjyqësor Lezhë, kallëzimin për veprën penale të “Shpërdorimit të detyrës” neni 248 i Kodit penal, kryer në bashkëpunim, në ngarkim të anëtarëve të Komisionit Qëndror të Zgjedhjeve, Komisioneve Zonale të Administrimit Zgjedhor Nr.12 dhe 13, të anëtarëve të Komisioneve të Qendrave të Votimit dhe Grupeve të Numërimit të Zonave Zgjedhore 12 dhe 13 Lezhë.