LIGJET E BIZNESIT
Kryetari i Bashkisë së Tiranës Erion Veliaj i ka dhënë një përgjigje tjetër sot të gjithë protestuesve dhe artistëve që janë kundra shembjes së godinës së Teatrit Kombëtar.
Veliaj me anë të një postimi në rrjetet sociale ka ironizuar hyrjen e Bashës dhe drejtorit të Ujësjellës Kanalizime Kamzë brenda ambienteve të Teatrit duke shkruar se këtë gjë ata po e bëjnë nga halli.
Veliaj thotë se për Tiranën e së ardhmes, projektet në kryeqytet duhet të vijojnë, dhe se Pazari i ri, Parku i Liqenit, Shkolla “Kosova”, Bulevardi i Ri janë një garanci për këtë.
“Shumë mirëkuptim për Lulzim Bashën dhe Ujësjellësin Kamëz që prej hallit po futen në teatro, ku s’kanë shkelur kurrë më parë – kërcejnë nga belaja. ?? Por pse duhet fëmijët e këtij vendi të rriten në këtë karakatinë e të mos kenë të njëjtën cilësi teatri si shkolla “Kosova”, “Pazari i Ri”, apo Parku i Liqenit? Shihni vetë, e gjykoni nëse ja vlen që PD dhe seksioni i kulturës në parti duhet ta mbajnë këtë vend peng akoma!!!”, shkruan kryebashkiaku Veliaj.
Përmes disa fotove të publikuara në Facebook, Veliaj tregon gjendjen e degraduar në të cilën ndodhet godina e Teatrit Kombëtar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
