LIGJET E BIZNESIT
Ditën e sotme presidenti Ilir Meta ndodhet sot i pranishëm në samitin e SEECP në Sarajevë, ku ka shprehur keqardhjen se përse Kosova nuk ka marrë pjesë në të.
Meta theksoi se Kosova është shtet i pavarur dhe sovran dhe duhet të trajtohet me respekt, një deklaratë kjo që ka ngjallur reagimin e ashpër të Anna Brnabic, kryeministres serbe.
Kujtojmë se Kosova e refuzoi ftesën “si denigruese”, që i ishte drejtuar nga kryetari i Presidencës së Bosnjes, Milorad Dodik, pasi në të Hashim Thaçi nuk ftohej si President i Kosovës dhe Kosova vetë përcaktohej si e panjohur nga disa shtete.
Sot, pas fjalimit të Metës, Kryeministrja e Serbisë, Ana Brnabiç, e mori fjalën menjëherë për t’iu kundërpërgjigjur Presidentit të Shqipërisë: “Në këtë tryezë ka disa vende që nuk e njohin Kosovën, – tha ajo, – dhe unë sugjeroj që të mos ketë përplasje për këtë çështje mes shteteve të tjera. Më vjen keq që përfaqësuesit e institucioneve të përkohshme të Prishtinë nuk janë këtu. Kjo tregon se çfarë bashkëpunimi dëshiron Prishtina”, ka shtuar ajo me ironi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
