Sherr gjatë koncertit, përgjaken të rinjtë, Alban Skënderaj ndërpret performancën (VIDEO)

Një sherr mes disa të rinjsh ka ndodhur në festivalin “Beer Fest” që po mbahet në Prishtinë.

I ftuar special ka qenë dhe këngëtari i njohur Alban Skënderaj.

Në momentin që po ndodhte sherri, ai është detyruar të ndërpresë performancën dhe në video dëgjohet që i bën thirrje personave që të ndalen.

Në shesh ishin mbledhur një numër i madh njerëzish që ndiqnin koncertin ndërkohë që pamjet në video tregojnë sesi është përgjakur një i ri në fytyrë.

Ndërkohë policia e Kosovës bën me dije se janë arrestuar gjashtë persona dhe dy të tjerë janë lënduar.