Provat e fundit, ja si po përgatitet policia për të shembur Teatrin Kombëtar (FOTO EKSKLUZIVE)

Tetari Kombëtar është vendi ku në këtë ditë të mërkurë është përqendruar e gjithë vëmendja e shqiptarëve. Prej orëve të para të mëngjesit ai është i rrethuar nga forca të shumta policore të cilat po punojnë për fazën përgatitore të shembjes së tij.

Shumë qytetarë dhe artistë të mbështetur nga Opozita i kanë dalë kundër këtij vendimi dhe janë në ambientet e brendshme të Teatrit për ta parandaluar këtë akt barbar ndaj kulturës sipas tyre.

Në këtë klime të tensionuar nga ora në orë, Fast News Albania ka mundur të sigurojë disa foto nga përgatitjet që policia po bën për t’i shkuar deri në fund objektivit të saj që Teatri Kombëtar të shkatërrohet.

Në fotot e mbërritura në redaksinë tonë duket qartë se pranë Ministrisë së Brendshme kanë mbërritur disa furgonë policie, të cilat po zbarkojnë aty forca të shumtë të policisë, Renas dhe FNSH.