Lëvizje në mbrojtje të Teatrit, Meta i drejtohet gjykatës që nuk ekziston

Thuajse një vit më parë, Presidenti Ilir Meta ktheu në Kuvend ligjin për prishjen e Teatrit Kombëtar, ndërsa Kuvendi e rrëzoi dekretin e tij.

Ditën e sotme u rikthyen sërish tensionet për godinën e Teatrit Kombëtar, e cila në mëngjes ishte e rrethuar nga forcat e policisë. Artistë, aktivistë, ish-deputetë të PD dhe kreu i opozitës Basha protestuan kundër prishjes së godinës.

Në këtë situatë, fillimisht Presidenti Meta reagoi me anë të një statusi në “Facebook”, duke i quajtur të turpshme ato që po ndodhnin të teatri. Më pas, me anë të një njoftimi, Presidenca bën të ditur se Meta do të shkojë sot në ora 13:00 në Gjykatën Kushtetuese për të depozituar kërkesën për shpalljen antikushtetuese të ligjit për shembjen e godinës së Teatrit Kombëtar.

Ende nuk dihet si do të vijojë ky proces, pasi Gjykata Kushtetuese tashmë është inekzistente dhe bosh që prej miratimit të Reformës në Drejtësi tre vite më parë.

Mbetet për tu parë se si do të zgjidhet ky ngërc edhe me ligjin e mbrojtjes së godinës së Teatrit Kombëtar nga shembja.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern