Kanë shkuar për rafting, bllokohet grupi i turistëve në kanionet e Holtës

Kanionet e Holtës janë një atraksion turistik që çdo vit tërheqin turistë nga vendi dhe bota, të apasionuar pas aventurës dhe sporteve të rrezikshme.

Por sot një grupi turistësh në Holtë të Gramshit nuk iu ka shkuar dhe aq mbarë. Ata janë bllokuar në kanion. Policia është njoftuar dhe ka shkuar për të ndihmuar, por për momentin është disi e vështirë lokalizimi i grupit të bllokuar.

Mësohet se deri më tani janë shpëtuar 4 fëmijë ndërsa dyshohet se brenda kanioni janë edhe disa persona të tjerë të rritur.

Dyshohet se shkaku i bllokimit të tyre, të jetë rritja e shpejtë e nivelit të ujit për shkak të shirave që kanë rënë gjatë natës dhe përrenjve që derdhen në kanionin e Holtës.  Sot në Kanionin e Holtës ka pasur një numër të madh turistësh, mes tyre edhe fëmijë por nuk kanë munguar as turistët e huaj.