Bëri kërdinë në 1997-ën, lirohet “gjenerali”

Pas Lul Berishës dhe disa figurave të tjera të botës së krimit në Shqipërinë e 30 viteve të fundit, ka ardhur radha e Nehat Kullës që të dalë nga burgu. Sot Kulla ka mbyllur dënimin e tij, duke rifituar lirinë pas më shumë se 20 vite.

Kulla ka përfunduar dënimin dhe pritet të lërë qelinë pasditen e sotme. Ai ishte dënuar me 20 vite burg për vrasjen me paramendim të shtetasit Halim Gjuzi, ish-shoferi i ish-zv.ministrit të Arsimit, Halit Shamati.

Kush ishte banda famkeqe e Nehat Kullës?

Ka funksionuar në vitet 1997-1998 në zonën e Tufinës në Tiranë, ku edhe ishin anëtarët e bandës me emrin e “gjeneralit” të Tufinës.

Drejtuesi i kësaj bande ka qenë Nehat Kulla, i dënuar me 20 vite burg, pasi akuzohej për vrasjen e shoferit të ish-ministrit të Brendshëm, Halit Shamata.

Gjatë vitit 1997, kur shteti kishte humbur kuptimin e vet, ai arrin të krijojë një komisariat të mirëfilltë policie, ku u garantonte banorëve të Kinostudios dhe Tufinës qetësinë, duke mos lejuar asnjëri të futej në hartën e vendit ku ai kishte ndikimin e tij. Banda e tij kreu shumë vrasje dhe krime të tjera të frikshme.