LIGJET E BIZNESIT
Kryeministri Rama ka falënderuar grupin parlamentar të Partisë Socialiste për seancën e sotme plenare dhe diskutimet e të gjithë folësve.
Përmes një mesazh në whatsapp, Rama thotë se kjo ditë dhe 30 qershori do të jenë shumë vendimtare për të ardhmen e vendit përballë atyre që ai i quan qorra që kanë frikë nga kapitujt 23/24 në procesin e hapjes së negociatave.
Sipas kryeministrit tashmë mazhoranca nuk mund të ndalet më dhe iu uron të gjithë fushatë të mbarë për 30 qershorin.
“Faleminderit të gjithë folësve të sotëm pa përjashtim për kontributin e rëndësishëm, me diskutime serioze e rezonuese me publikun, dhe të gjithëve ju për mbështetjen e fortë në këtë betejë historike, ku zgjedhjet vendore të 30 qershorit nuk janë të rëndësishme thjesht në vetvete, po si gur kilometrik në një rruge ku katër aventurierë të dëshpëruar, bashkë me qorrat që i rrethojnë, duan ta marrin peng këtë vend e të hedhin në erë urën drejt negociatave! S’kanë faj që kanë dalë mendsh, se e dinë mire ça vjen nga kapitujt 23/24, po halli i tyre s’është as halli ynë as halli i popullit! Forca me fushatën dhe vetëm drejt, përpara me njerëzit e mirë të këtij vendi”- shkruan Rama në mesazh.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
