Sot provimi i matematikës, pak përpara fillimit teza e maturantëve përfundon në rrjetet sociale

Vetëm disa minuta përpara fillimit të provimit të maturës në lëndën e matematikës është bërë publike teza në rrjetet sociale.

Ish-deputeti i PD-së, Luçiano Boçi ka publikuar disa foto, të tezës duke thënë se kjo është ‘një fushatë karrikesh, gallatë arsimore, kënetë shkollash, tallje masive maturantësh, poshtërim dijesh’.

‘Maturë shtetërore mos e quani më!

Edhe asaj i keni dhënë pamjen e shëmtuar dhe përbuzëse të qeverisjes suaj!

Besa largohu një orë e më parë…

Maturantët nuk janë FBI-ja, por janë e ardhmja e vendit, të cilët sot ju po e merrni në qafë”, shkruan Boçi.

Postimi i plotë:

Çfarë i ka ngelur Besës dhe Ramës për të thënë kur teza e matematikës del që në 10.00 ende pa filluar provimi?

Për cfarë do i flasin maturantëve këta derdimenë, dallkaukë e mashtruesë kalibri?!

Për meritë?!

Për drejtësi?!

Për cilësi?!

Pafytyrësia e tyre kalon çdo cak.

Apo për modelin e hajdutërisë, krimit, grabitjes së meritës, pelivanllëkut të poshtër që po e instalojnë që në gjenezë të brezave?!

Këtë po! Këtë e bëjnë çdo ditë me pasion.

Prandaj merreni këtë paçavure!

Merreni e quajeni si të doni.

Fushatë karrikesh, gallatë arsimore, kënetë shkollash, tallje masive maturantësh, poshtërim dijesh…

Por MATURË SHTETËRORE mos e quani më!

Edhe asaj i keni dhënë pamjen e shëmtuar dhe përbuzëse të qeverisjes suaj!

Besa largohu një orë e më parë…

Maturantët nuk janë FBI-ja, por janë e ardhmja e vendit, të cilët sot ju po e merrni në qafë…