Ditën e sotme ka patur përplasje në mbledhjen e Komisionit Qëndror Të zgjedhjeve ku po diskutohej dekreti i presidentit Meta për anulimin e zgjedhjeve vendore të 30 qershorit.
Kryetari Klement Zguri ka kërkuar të anulohen procedurat për zgjedhjet, mirëpo është kundërshtuar nga nënkryetari Denar Biba.
Kam dy vendimmarrje, por kush mundet të më thotë se akte të pavlefshme vendosen në fletoren zyrtare të shtetit. Bëhet fjalë për një dekret që është hedhur në fletoren zyrtare, në njërën anë kam Presidentin e Republikës dhe nga ana tjetër ministrinë e Mbrojtjes. Kush jam unë, që duhet t’i ballafaqoj vendimmarrjen e këtyre insitucioneve.
Për ta mbyllur, unë kam të njëjtin mendim si herën e parë. Kjo kërkesë do ta tejkalojë edhe atë që këtu është shkruar dhe kërkuar. Për të gjithë arsyet që thashë mendoj se KQZ duhet të ndalojë të gjitha procedurat për zgjedhjet e 30 qershorit’, tha Zguri.
‘Kush tha që je i fundit me dhënien e fjalës?’, iu kundërpërgjigj Biba, duke shkaktuar kështu acarimin e kryetarit Zguri.
‘Nëse doni të abuzoni vazhdoni’, u shpreh Zguri dhe braktisi më pas mbledhjen.
