Sekretari i Përgjithshëm i NATO-s sot në Tiranë, takim me krerët e lartë të shtetit

Sekretari i Përgjithshëm i NATO-s Jens Stoltenberg do të jetë sot për një vizitë zyrtare në Shqipëri.

Mësohet se Stoltenberg do të mbërrijë në Tiranë pas mesditës dhe do të zhvillojë disa takime me krerët më të lartë të shtetit shqiptar.

Sekretari i Përgjithshëm i NATOS-do të pritet fillimisht nga ministrja e Mbrojtjes Olta Xhaçka.

Më pas Stoltenberg do të takojë presidentin Ilir Meta dhe kryeministrin Edi Rama.

Vizita e Jens Stoltenberg në Tiranë do të jetë disa orë para protestës së opozitës e cila do të mbahet në orën 19:00.

Pas vizitës në Tiranë, sekretari Stoltenberg do të kryejë dhe disa takime në Maqedoninë e Veriut.