LIGJET E BIZNESIT
Deputetja Rudina Hajdari në seancën e sotme parlamentare ka folur në lidhje me rezolutën për shkarkimin e presidentit Ilir Meta.
Gjatë fjalës së saj i është drejtuar Metës ku ndër të tjera ka përmendur dhe bashkëshorten e tij Monika Kryemadhin.
“Më falni zoti president nëse gruaja juaja është palë e opozitës, dhe kjo palë është bërë pjesë e këtij konfliktiti, atëherë nuk është ky konflikt i pastër personal? Ju duhet të përgjigjeni. Ju duhet të uleni me të gjitha palët të shikoni se kur do të jetë data tjetër e zgjedhjeve’”, është shprehur Hajdari.
Gjithashtu deputetja e opozitës ka shtuar se rezoluta ndaj presidentit nuk ka ndonjë vlerë juridike por është thjesht presion dhe shantazh ndaj tij si figurë politike.
Më shumë nga fjala e Rudina Hajdarit
‘Gjykimin mbi vendimin e presidentit e merr vetem gjykata Kushtetuese. Mocioni për shkarkimin e Metës vjen me 35 deputetë që firmoset dhe i depozitohet kryetarit të Kuvendit i cili ka për detyrë të hapë një komision hetimor.
Fakti që s’ kemi Gjykatë Kushtetuese është fatkeqësi e madhe, sepse këtu është thelbi i gjithë debatit. Shqiptarët po shohin një lojë të shpifur, një tragjedi që na merr zvarrë të gjithëve. Dua të di pse presidenti mendon që me këtë veprim e zgjidh krizën. Nëse ai thotë që ky vendim është bërë si një akt patriotik dhe i vë palët para përgjegjësisë, nëse palët nuk arrijnë një kompromis a nuk e fusim vendin akoma më shumë në krizë?
Nëse ne nuk arrijmë të gjejmë një zgjidhje, nëse kemi një opozitë jashtë parlamentit që thotë se nuk futet në bisedime me Shqiperinë, atëherë çfarë negociata do arrijnë këto dy palë?
Pika dy, më falni zoti president nëse gruaja juaja është palë e opozitës, dhe kjo palë është bërë pjesë e këtij konfliktiti, atëherë nuk është ky konflikt i pastër personal? Ju duhet të përgjigjeni. Ju duhet të uleni me të gjitha palët të shikoni se kur do të jetë data tjetër e zgjedhjeve’
