Një ditë pasi presidenti Ilir Meta vendosi të anulonte 30 qershorin si datë për mbajtjen e zgjedhjeve vendore, kryeministri Edi Rama ka paralajmëruar shkarkimin e tij.
Gjatë një takimi në Burrel me qytetarët, në vijim të fushatës elektorale, kryeministri është shprehur se Meta me këtë vendim tashmë ka shkruar fatin si një president që ka humbur të drejtën për të qëndruar në zyrën e tij.
“Meta shkroi fatin si një president që ka humbur të drejtën për të qëndruar në atë zyrë. Të gjithë ata që udhëheqin lëvizjen “Rama ik”, do të ikin të gjithë vetë. Me logjikën e djeshme, Ilir Meta mund të bëjë dhe një dekret që t’i shpalli luftë Amerikës, por është e qartë që ne nuk mund ta pranojmë”,”, është shprehur Rama gjatë takimit me qytetarët në Burrel.
