LIGJET E BIZNESIT
Luan Rama ishte një nga emrat e rëndësishëm të Partisë Socialiste që në vitin 2004 u bë bashkë me Ilir Metën për të krijuar LSI.
Rama tashmë ish-deputet, pasi dorëzoi mandatin, si vendim i Opozitës së Bashkuar me në krye PD-në, ka uruar në një mënyrë origjinale 28-vjetorin e themelimit të kësaj partie.
Përmes fotove të disa prej atyre që e themeluan atë parti në 1991, ai i kujton me respekt.
“Gëzuar ditëlindjen e Partisë tonë Socialiste shoqe dhe shokë socialistë! 28 vjet më parë, e themeluam dhe e rritëm si forcë moderne e progresiste, në luftën për demokracinë pluraliste dhe shtetin e të drejtës, si mishërim të vlerave të patjetërsueshme të humanizmit e solidaritetit, pa menduar kurrë që sakrificat dhe gjithë ai korpus vlerash e kontributesh fondamentale për Shqipërinë Europiane, do të bjerreshin e do të dominoheshin sot prej rekordesh që e lidhin atë mjerisht me krimin dhe korrupsionin endemik, me vjedhjen e votës dhe kriminalizimin e jetës politike dhe publike! Respekt e mirënjohje për të gjithë drejtuesit e parë të saj; Fatos Nano, Servet Pëllumbi, Spiro Dede, Ismail Lleshi, Namik Dokle, Dritëro Agolli, Gramoz Ruçi, Fatmir Kumbaro, Arta Dade, Ermelinda Meksi, Xhavat Lloshi, Sabit Brokaj, Fatri Sinani, Maqo Lakrori, Et’hem Ruka, Moikom Zeqo, Luan Hajdaraga e të tjerët, më të rinjtë që erdhën më pas si Ilir Meta e Pandeli Majko! Nderim dhe respekt për të gjithë socialistët, prej 12 qershorit 1991 e tëhu, që njësoj si themeluesit, ishin e mbeten socialistë!” shkruan ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
