Rama me mesazh të prerë para se të flejë gjumë

Kryeministri Rama duket se nuk e ka kapërdirë mirë atë që verim të presidentit Ilir Meta sot, që tërhoqi dekretin e tij në lidhje me datën e zgjedhjeve lokale në 30 qershor. Kryeministri Rama pasi e refuzoi “live” këtë veprim të Metës, duke thënë nga Berati se zgjedhjet do të bëhen siç janë planifikuar, ka shpërndarë edhe një tjetër mesazh të fortë.

Pak minuta para se të shkonte për të fjetur kreu i qeverisë ka shkruar në rrjetet sociale, “ZGJEDHJET DO TË BËHEN NË 30 QERSHOR! Natën e mirë”- duke i mëshuar kështu edhe një herë tjetër me siguri idesë së tij për këtë datë.

Me të dielën që pritet të jetë e qetë, e hëna është dita kur rezervohen surprizat më të mëdha. Ashti siç Fast News Albania paralajmëroi një ditë më parë, e hëna pritet të jetë një ditë deçizive për fatin e situatës politike në Shqipëri, ku nuk duhen përjashtuar edhe ndonjë surprizë e madhe, dorëheqje, apo vendim drastik nga ndonjëri prej aktorëve parësor në politikën shqiptare.