Rama me goditje të përqendruar nga Kolonja e Spiropalit

Kryeministri Edi Rama ka vijuar me sulmet e tij karshi Opozitës dhe presidentit Ilir Meta edhe nga qyteti i Kolonjës.

Duke folur para qytetarëve të Ereskës në mesin e një vape përvëluese Rama ka vërshuar me sulme dhe thumba nga më të lehtët dhe deri tek më ironikët.

“Iliri herë kthjellohet, herë jo, herë normal herë jo normal. Pastaj është Lulzim Basha, një njeri llafazan, dembel dhe gjumash. Fallxhorja që njeh gjithë Shqipëria sesa e shenjtë është. Një grua që udhëheq një parti dhe bën miting me mallkime s’e kishim parë. E kishte zënë tartakuti Neritan Cekën, mallkonte sikur kishte gërmuar gjithë natën te filxhani i Monikës. Nga një njeri i lexuar, duket po të mos kishte flokë të bardha, dukej si xhindi nga filxhani dhe ulërinte. Saliu i mbaruar, edhe pse se pranon mbarimi i tij është në proces e sipër”,- u shpreh Rama.