Deputeti konservator Kujtim Gjuzi gjatë fjalës së tij sot në foltoren e Kuvendit i ka bërë thirrje presidentit Ilir Meta që të japë dorëheqjen.
Gjuzi u shpreh se Meta ka vetëm një shans që të largohet nga zyra e tij.
“Presidenti i Republikës duhet të ikte nga posti që kur shkoi në Berat dhe jo tani që ai bëri këtë që nuk është në favor. Por ju e mbajtët, pasi ka bërë manovra dhe tani që nuk janë në favorin tuaj ju doni ta shkarkoni me një fletë rrufe, se fletë rrufe është. Prandaj unë i bëj një thirrje Presidentit. Zoti Ilir Meta, ke një shans. Jep dorëheqjen tani se me të tepër do jetë tepër vonë”, tha Kujtim Gjuzi.
