LIGJET E BIZNESIT
Në fund të protestës së sotme në Opozitës Basha foli para “selisë blu” ku ishin mbledhur protestuesit si në të gjitha herët e mëparshme.
Por në ndryshim nga çdo protestë e mëparshme këtë herë Basha ka qenë më ashpër në fjalën e tij. Mund të merret edhe si kërcënim frazat që kryedemokrati ka lëshuar, duke thënë se kjo ishte protesta e fundit që foli me gjuhën e arsyes. Sipas Bashës në protestën tjetër fatet do e marrë populli, pasi koha e fjalëve tashmë ka mbaruar
“Dua t’ju falënderoj nga zemra për qytetarinë, për shpirtin e qëndresës. për vendosmërinë që demonstruat sot. Vëllezër e motra, qindra mijë prej jush në këtë protestë sollët me vete energjinë, vendosmërinë, shpresën dhe besimin tek e nesërmja e re që po lind. Rama dhe banda e tij ta harrojnë, shqiptarët nuk do lejojnë mbajtjen e pushtetit me dhunë. Po i them sot Edi Ramës dhe sejmenit të tij zuzar dhe sadist Sandër Lleshaj se do mbani përgjegjësi para ligjit. Dita e fundit ku unë iu drejtohem me argumentet e arsyes, koha për fjalët po mbaron, në protestën e ardhshme fjalën do ta ketë vetëm sovrani”, deklaroi Basha.
Me këtë fjalim Basha ka hedhur dorashkën për një dhunë të paralajmëruar në protestën që vijon. Por mbetet për t’u parë se kur ajo do të thirret për të mësuar më pas nëse realisht do të ketë akte dhune.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
