Mungoi në festën e PS, Rama zbulon arsyen nga Divjaka

Kryeministri Rama është në një takim elektoral në qytetin e Divjakës nga ku ka treguar se përse mungoi në një festë që do të organizohej me rastin e 28-vjetorit të themelimit të Partisë Socialiste. Sipas Ramës vendosi të shkojë në Divjakë për shkak se aty do të ishte me vartësin e tij Erion Braçen dhe me qytetarët e kësaj zone që ka mbështetur aq shumë këtë parti.

“Sot në mëngjes më thanë që kishin organizuar një takim të madh në Tiranë për ditëlindjen e PS-së dhe më kërkuan që të isha aty, unë u thashë nuk ka vend më të mirë për të festuar sesa me Erjon Bracen në Divjakë. Dhe natyrisht për shkak të Erionit që është një simbol i socialistëve dhe për shkak të një fakti tjetër shumë, që falë Erionit dhe Fredit dhe punës së bërë. Edhe për faktin se Erjoni nuk është tifoz jo vetëm i Juves, por edhe Partizanit duke krijuar një skuadër model. Është kënaqësi të vish këtu për të kërkuar një mandat të ri për bashkinë dhe për të kërkuar edhe mbështetje më të madhe se katër vite më parë se flet puna” tha ai.