Presidenti Ilir Meta sot gjatë konferencës ka firmosur zyrtarisht anulimin e dekretit të zgjedhjeve vendore të 30 qershorit.
Pasi ka renditur arsyet se përse e mori këtë vendim, Meta ka firmosur përpara të gjithëve dhe më pas bëri shqiponjën me duar.
“Ftoj të gjithë aktorët e përgjegjëshëm vendas dhe ndërkombëtarë që të kontribuojnë në dialog për të shpëtuar të ardhmen evropiane të vendit. Ndaj unë tani para jush po nënshkruaj këtë dekret për anulimin e zgjedhjeve,”– tha Meta para se të hidhte firmën përpara mediave.
Në fund ai ka bërë gjestin e shqiponjës me duar, duke sfiduar kështu hapur Partinë Socialiste, gjest ky të cilin e bën dhe kryetari i Partisë Demokratike Lulzim Baasha, sa herë mbyllen protestat e përjavshme të opozitës së bashkuar.
