Përmes një statusi të fortë në Facebook, deputeti Lefter Maliqi ka treguar të gjitha prapaskenat e turpshme sipas tij në Kuvend ditën kur u votua rezoluta ndaj dekretit të Presidentit Meta për shfuqizimin e zgjedhjeve të datës 30 qershor.
Mailiqi tregon në statusin e tij se Taulant Balla kërkoi 30 minuta pushim me qëllim për t’i blerë deputetët e Opozitës së re, të cilët sipas tij pranuan të shiten si bagëtitë.
“Parlament ilegjitim, turp, skandal, 100 deputetë votuan pro rezolutës për shkarkimin e Presidentit. Kjo tregon qe Opozita e Re ka pëlqyer joshjet ndërhyrjet, por votimi tregoi këtë të vërtetë pasi në mënyrë unanime vendosëm para votimit abstenim, por Balla kërkoi 30 minuta pushim dhe ndërhyrjet, joshjet bënë bashkimin e madh rilindas me 100 deputetë”, shkruan Maliqi.
Gjithashtu ky i fundit i kërkon kreut të grupit parlamentar të PS-së, Taulant Balla t’i marrë nga krahu i mazhorancës qeverisëse, siç i quan ai të gjithë “deputetët e shitur të opozitës”.
“Idealet opozitare nuk mund te qelben nga korrupsioni politik i këtyre të pamoral që shiten e joshen dhe s’përfaqësojnë as opozitën dhe as vota në popull përveç rreth 10 deputetëve që votuan kundër e abstenuan sepse s’pranuan joshje dhe rreshtim nga Rilindja e krimit dhe bandave që i vendosin në lista deputetesh. Kush është burrë që do të bëjë opozitë do rrijë në atë krah të tjerët që shiten si bagëti të shkojnë menjëherë të ulen si hauri i hajdutëve të rilindjes”.- shkruan Lefter Maliqi.
