Majko ‘tradhton’ Ramën, tregon të preferuarin e tij në PS

Pandeli Majko është një nga ato figura në PS që pavarësisht kryetarëve, në pushtet apo në Opozitë, ai ka qenë gjithmonë aty, i gatshëm për të dhënë një dorë.

Ministri për Diasporën ka folur mbrëmjen e kësaj të mërkure nga një takim me të rinj të FRESSH në kuadër të fushatës, por edhe të 28-vjetorit të PS. Në fjalën e tij, Majko ka treguar edhe politikanin e preferuar në parti.

Ministri i Diasporës, Pandeli Majko, ka vlerësuar kreun e Bashkisë së Tiranës, Erion Veliajn si një model që, sipas tij, duhet të ndiqet nga të gjithë.

“Jemi mbledhur të gjithë bashkë dhe brohorasim për PS, për këtë familje të madhe e cila si në ditë të mira apo të vështira,se pse e tillë ka qenë historia jonë, rrëzohu ngrihu sepse socialistët asnjëherë nuk kanë humbur. Kjo është historia e PS, asnjëherë nuk kemi braktisur njerëzit tanë, votimet, fatin e Shqipërisë.

Kam këtu edhe fansat më të fundit të Erion Veliajt, kryetarit të Bashkisë i cili këtë radhë nuk ka nevojë të bëjë fushatë sepse fushata është ndryshimi i Tiranës, është standardi më i mirë që ne socialistët ofrojmë për Shqipërinë, ndryshim shpresë e një të ardhme më të mirë se e sotmja.

Historia na kërkon më shumë ne socialistëve sidomos sot më shumë. Shoh flamujt e PS shoh flamujt tanë kombëtarë, e vërteta është se sot më shumë se kurër Shqipëria duhet të jetë e para, për Shqipërinë, Tiranën që duam, PS që do udhëheqë këtë proces. Edhe unë jam fans I Erion Veliajt”, tha Majko.