Kush është ‘i forti’ i fisit Çapja i arrestuar në Elbasan, akuzat për vrasje dhe pengmarrje

Në operacionin e nisur që prej mëngjesit të sotëm në qytetin e Elbasanit është arrestuar edhe anëtari i njohur i fisit  Çapja, Florenc  Çapja.

I ‘forti’ i fisit  Çapja akuzohet për vrasje dhe pengmarrje dhe mësohet se arrestimi i tij është bërë me vendim gjykate.

Ndërkohë mësohet se janë arrestuar edhe anëtarë të tjerë: E.Çapja, B.K, A.D, S.M, A.N, I.H.

Bëhet e ditur se E. Çapja është bashkërshortja e Ardjan Çapjas.

Në aksion kanë marrë pjesë forca të shumta të RENEA-s. Burime bëjnë të ditur se gjatë operacionit kontrolle janë ushtruar dhe në banesa  dhe objekte të fisit “Çapja”.

Zyrtarisht policia ende nuk ka dhënë asnjë informacion mbi qëllimin e operacionit, detajet e të cilit pritet të zbardhen në vijim.

Kush është i arrestuari Florenc Capja

Në vitin 2016 ai i ka shpëtuar mrekullisht një atentati të ngritur ndaj tij.

Shkëlzen Hasanpapa tentoi të vriste Florenc Çapjan dhe mikun e tij Bledar Muça, duke shtënë me breshëri automatiku në makinën me të cilën ata po udhëtonin.

Në këtë ngjarje u plagos dhe një oficere policie.

Florenc Çapja akuzohet për veprat penale vrasje dhe pengmarrje.