Kujtim Gjuzi shfaq talentin si rrobaqepës, pret e qep pantallonat live në emision

Deputeti Kujtim Gjuzi kohët e fundit është bërë një personazh mjaft popullor, për shkak të humorit dhe batutave të tij.

Por ditën e sotme ai ka shfaqur edhe një talent tjetër, për të cilin ka folur ditë më parë.

I ftuar në programin “E Diell” në Top Channel, Gjuzi në një kohë rekord skicoi mbi copë dhe preu një palë pantallona.

Në kohën që po priste pantallonat, ai ka lëshuar një batutë për kryeministrin Rama duke thënë se po vinte pencat në copë që të dilnin si citjane.

Më pas moderatori Edi Manushi tha se e kishte kuptuar se për kë po bëheshin ato pantallona.

Gjuzi replikoi dhe me personat që ishin skeptik nëse ditne të qepte apo jo.

“Se kishte thënë një analist konspirativ që Kujtim Gjuzi nuk di të prese, analist shiko pantallonat. Unë e kam gishtin me shenjat që më ka shpuar gjilpëra.”, u shpreh deputeti.