Kryetarja e LSI, ka lënë pas problemet shëndetësore dhe është rikthyer me kohë të plotë në politike. Këtë të enjte Kryemadhi ka thirrur mbledhjen e organit më të rëndësishëm drejtues të partisë së saj, Komitetin.
Gjatë fjalës së saj në këtë mbledhje, Kryemadhi ka thënë përsëritur edhe një herë kërkesën e saj për largimin e kryeministrit Rama. Sipas numrit një të LSI, Ramën e pret një fund i tmerrshëm nëse nuk larghohet vetë.
“Frikë nuk kanë ata që dorëzojnë mandatet, por kush ikën nga pushteti me dhunë, ka fundin më të tmerrshëm”, tha ajo duke paralajmëruar Edi Ramën. “Rama e ka mbyll hesapin me Europën sepse hesapi i tij nuk është hesap që ka të bëjë me trafikun e drogës, me ekspozitat e tij artistike, por është shumë i madh me të ardhmen e shqiptarëve, që është shumë më e rëndësishme se karrigia e Ramës, apo Metës, apo e çdo deputeti.
Dua të ndalem pak te diskutimi i sotëm në Parlament, mos u merrni me to, për ne s’ka rëndësi kur mbahen zgjedhjet, për ne ka rëndësi standardi jo data. Frikë nuk kanë ata që dorëzojnë mandatet, por kush ikën nga pushteti me dhunë, ka fundin më të tmerrshëm”, u shpreh ajo.
