Deputeti Kujtim Gjuzi është nga anëtarët më të komentuar të parlamentit për shkak të batutave të tij dhe deklaratave të forta mediatike.
Sot Gjuzi ka qenë i ftuar në emisionin “E Diell” në Top Channel ku ka folur hapur për cështjet e zemrës.
E Pyetur nga Einxhel Shkira nëse gruaja e kishte frikë apo e respektonte, Gjuzi është përgjigjur: “Të them të drejtën ajo është drejtoreshë kardiologe dhe kur mendon me zemër nuk ka frikë fare. Kur fillon dhe futet te studimet akademike të kardiologjisë, në volumet 6000 faqe, aty fillon kupton si punon zemra. Kur e njoha në fillim më tha: ‘Unë do e rregulloj zemrën tate’. Unë jam këtu me ju, jam i buzëqeshur”.
Drejtuesit e tjërë të emisionit e kanë pyetur dhe për ide të tjera konservatore të cilat Gjuzi nuk ka hezituar ti ndajë me publikun.
Në lidhje me meshkujt që preferojnë veshje në ngjyrë rozë, ai tha: “Nëse meshkujt bëhen liberalë, thotë Churcill, kanë një rrezik të bashkohen me meshkujt e tjerë. Prandaj unë zgjodha të bëhem konservator pas moshës 33 vjeç”.
Për sa i përket femrave që flasin lirshëm për jetën e tyre intime, sipas tij ato “janë larguar nga planeti i errësirës”.
