I ftuar në emisionin ‘Repolitix” në Report Tv, gazetari investigativ Artan Hoxha, ka lëshuar disa deklarata të ashpra. Ndër të tjera Hoxha tha se nëse në vend krijohet situata e ’97-ës shqiptarët e dinë me kë të përballen dhe të parët që do ta pësojnë janë politikanët që tashmë janë më të pasur se vetë oligarkët.
“Në ’97 shqiptarët u prekën nga xhepi dhe nuk iu doli njëri garant. Jemi në një lojë shahu por nuk është tavolinë e thjeshtë është territori i republikës së Shqipërisë. Gjithë ndërkombëtarët kanë bërë me dije se nuk do të ndërhyjnë këtë herë. Jemi në pikën që nuk ka më rregulla loje. Jemi në momentin kur tifozët janë në fushë. Kërcënimet që secila palë i bëjnë që ta trembin tjetrin.
Njerëzit e dinë tani se kujt duhet t’i bien. Politikanët janë më të pasur se oligarkët vetë. Qytetarët janë jashtë vorbullës por kur të hyjë turma, loja nuk dihet se nga shkon. Shqiptarët nuk e kanë harruar ’97. Kur plas lufta e dinë se kush digjet.”- tha Hoxha.
Më tej ai u shpreh se objektet e para që do të sulmohen në rast të një konflikti do të jenë pikërosht rezidencat qeveritare që ruhen nga garda.
“Në Tiranë ka vila me rezidenca me polici private dhe shtetërore non-stop. Po shkoi situata aty, ai polici është i pari që i shkon asaj residence mes për mes”, u shpreh gazetari Hoxha.
