E përplasi autoambulanca në Tiranë, ndërron jetë e aksidentuara

Një aksident i rëndë ndodhi sot në “Rrugën e Durrësit” në kryeqytet, ku makina e autoambulancës ka përplasur një kalimtare.

Ngjarja ka ndodhur në momentin që gruaja po kalonte në anën tjetër të rrugës.

Gruaja e aksidentuar është dërguar menjëherë për në spital nga vetë autoambulanca që e përplasi, por ka ndërruar jetë disa orë më pas.

Identiteti i viktimës ende nuk bëhet i ditur ndërkohë grupi hetimor po punon për zbardhjen e plotë të rrethanave të aksidentit tragjik.