Dy vëllezër i bëjnë atentat në makinë, plagoset 41-vjeçari

Një ngjarje e rëndë ka ndodhur sot në Bulqizë, ku dy vëllezër kanë plagosur me armë zjarri një 41- vjeçar.

Mësohet se dy vëllezërit kanë qëlluar me armën e zjarrit mbi automjetin e shtetasit me iniciale B.D.

Ngjarja ka ndodhur rreth orës 12:00 për motive të dobëta dhe i plagosuri ka marrë lëndime në dorë.

Vëllezërit A.T.,  26 vjeç dhe M.T.. 32 vjeç janë shpallur në kërkim.

Ndërkohë policia ka ngritur pika kontrolli dhe ka krijuar zona për kapjen e tyre.