Balla zhvlerëson aktin e Metës: Zgjedhjet e 30 qershorit nuk i luan as topi

Sekretari i Përgjithshëm i Partisë Socialiste, Taulant Balla i është përgjigjur dekretit të presidentit, Meta për të anuluar zgjedhjet e 30 qershorit.

Përmes një reagimi në rrjetet sociale, Balla shkruan se akti i Metës është pavlefshëm është i pazbatueshëm.

Sipas Taulant Ballës datën e 30 qershorit nuk e luan as topi dhe jo më Meta, duke dhënë kështu një përgjigje shumë të ashpër.

“Është e pamundur. Jurisprudenca që një akt i pavlefshëm është i pazbatueshëm. Është njësoj si të shkruash një letër dhe t’ia japësh një pëllumbi me shpresën se do ta marrë Zoti dhe të të plotësojë dëshirat. Ky është edhe akti i presidentit. Ky është akti i fundit i mbylljes së një cikli që nga 2016, kur Meta ishte me ne në qeveri. Asokohe me ne ishte në qeveri por me shpirt kundërshtonte reformën në drejtësi. Prej asaj kohe ne jemi përballur me një aleancë politikanësh të korruptuar. Filloi në 2016 kur SHBA dhe BE i morën prej vesh dhe i sollën në Kuvend dhe votuan reformën në drejtësi. Në shkurt erdhi përpjekja tjetër për të shkatërruar parlamentarizmin duke dorëzuar mandatet por edhe kjo dështoi se sot në Kuvend më shumë se tre të katërtat e deputetëve të opozitës janë në parlament. Parlamenti është edhe funksional si në kuotën minimale edhe në atë maksimale. Dua ta them troç  se zgjedhjet e 30 qershorit nuk i luan as topi, jo më Ilir Meta. Zgjedhjet nuk mund të lëvizin. Më 30 qershor këtu do zhvillohen zgjedhje normale”, tha Balla.