Balla vazhdon talljen me presidentin: Iliri bëri një vrimë në ujë

Sekretari i Përgjithshëm i Partisë Socialiste ka vijuar me ironinë ndaj presidentit, Meta edhe këtë të mërkurë. Taulant Balla tha nga qyteti i Gramshit, ku ishte për fushatë se akti i Metës ishte një ndihmë ndaj Opozitës, por Lulzim Basha fle gjumë. Më tej ai e cilësoi si nul vendimin e Metës, duke thënë se nuk ka asnjë vlerë juridike.

“Zgjedhjet do të mbahen në 30 Qershor dhe nuk e luan topi. Luljeta Dollani në krye të Gramshit do të mbahet mend se e transformoi Gramshin. Luli i Saliut në krye të Bashkisë së Tiranës do të mbahet mend vetëm se flinte gjumë. Një kokërr gjumashi që edhe Ilir Meta, këto ditë është inatosur me të sepse tha “unë e bëra punën time, ai fle gjumë. Unë e anulova dekretin, ai fle gjumë.” Pavarësisht se Iliri bëri një vrimë në ujë se ai ç’dekret nuk ekziston në Kushtetutë dhe sigurisht në 30 Qershor do të bëhen zgjedhjet”, tha Balla.