Pak orë para fillimit zyrtar të protestës së 8-të të Opozitës, ambasada Britanike në Tiranë ka ardhur me një apel të fortë.
Në një deklaratë të shpërndarë për mediet selia diplomatike e Britanisë në vendit tonë iu kërkon palëve që të ulen në mënyrë urgjente ne tryezën e dialogut për të gjetur rrugën e daljes nga kriza.
Më tej ajao dënon dhunën, duke thënë se nuk është një mjet demokrat për të kërkuar të drejtën.
“Ne dënojmë të gjitha aktet e dhunshme që kanë ndodhur në protestat e mëparshme të opozitës. Asnjë formë e nxitjes së dhunës nuk është e tolerueshme. Përdorimi i eksplozivëve ose i ndonjë sendi tjetër të projektuar për të shkaktuar lëndime është krejtësisht i papranueshëm. Ne vazhdojmë ti bëjmë thirrje të gjitha palëve të ulen urgjentisht në dialog për të tejkaluar krizën politike që ka kapluar vendin”, thuhet ne deklarate.
