A ka ndikim politika ruse në Partinë Demokratike? Ja si përgjigjet Basha

Kryetari i Partisë Demokratike Lulzim Basha, në konferencën për shtyp të zhvilluar përballë gazetarëve i ka dhënë përgjigje akuzave nëse po ndikohet nga skenari rus.

Basha përgjigjet se i vetmi që ka ndikim nga Rusia është kryeministri Edi Rama.

PD merr lekë nga rusi thotë Rama. Tani t’i ekzaminojmë pak faktet. Cili është shteti më pro rus. Serbia, Republika e Serbisë.

Cili është presidentii Republikës së Serbisë? Aleksandër Vuçiç, i cili e konsideron Putinin vëllain e tij të madh. Cila është marrëdhënia e Edi Ramës me Aleksandër Vuçiç?

Është marrëdhënia që çoi në tentativën e çmendur për të destabilizuar Ballkanin, për të ndryshuar kufijtë, për të copëtuar Kosovën, vetëm e vetëm për të hequr vëmendjen nga kriza politike që Edi Rama ka në Shqipëri.

Nëse ka një skenar rus për Shqipërinë atëherë zaptuesi e ka emrin Edi Astrit Rama Avdylaj sepse nuk ka investim destabilizues më të madh për Shqipërinë, është shkrirja në një e qeverisë me krimin, të tjerat janë broçkulla’, tha Basha.