Kryeministri Edi Rama në takimin që po zhvillohet me gazetarët ka komentuar regjistrimin e 61 kandidatëve të PS për zgjedhjet vendore të 30 qershorit.
Rama tha se për zgjedhjet është një ekip i mire dhe ka folur për kandidaturën e Shkodrës dhe Durrësit, përkatësisht Valdin Pjetri dhe Valbona Sako.
‘Jam shumë i kënaqur me kandidaturën që i kemi propozuar komunitetit shkodran, një individ që meriton të gjithë respektin dhe vlerësimin tonë pasi e kam njohur në kryerjen e disa detyrave të rëndësishme që i perkët atij komuntiteti si gjenerata e re e një familje me rrënjë të thëlla në Shkodër’, u shpreh rama.
Gjithashtu Rama tha se në Durrës kanë vendosur të besojmë tek fuqia e gruas.
‘Në Durrës kemi vendosur të besojmë tek fuqia e gruas, një zonjë që për rreth 6 vjet ka drejtuar tatimet në zonën e Durrësit’, tha Rama.
Gjatë fjalës së tij kryeministri foli edhe për bashkitë të cilat nuk kanë qenë nën drejtimin e kandidatëve të PS.
‘Edhe në ato bashki ku nuk kemi qeverisur mendoj se kemi bërë zgjedhje të bukura edhe për bashkinë e Devollit, një bashki tradicionalisht djathtas por që ka një potencial të madh ende të pashfrytëzuar pa harruar edhe të tjera bashki që deri më sot nuk kanë qenë në drejtimin e njerëzve të mandatuar nga PS’, tha mes të tjerash Rama.
