Pak ditë pasi major Klodian Tanushi humbi jetën në një mision të Forcave të Armatosura në Letoni, Ambasada Amerikane ka publikuar një mesazh ngushëllimi për familjen e të ndjerit.
Në faqen zyrtare në Facebook Ambasada i shpreh ngushëllimet më të thella familjes dhe miqve të Majorit dhe nderon sakrificën e tij i cili humbi jetën në krye të detyrës.
Mesazhi
Shtetet e Bashkuara shprehin ngushëllimet më të thella për familjen dhe miqtë e Majorit Klodian Tanushi, i cili humbi jetën në krye të detyrës gjatë misionit të NATO-s në Letoni. Iu bashkohemi qytetarëve shqiptarë në nderimin e sakrificës së tij dhe në vajtimin për humbjen e tij.
