Nga selia e Lëvizjes Socialiste për Integrim edhe një herë tjetër nënkryetari i kësaj force politike, Petrit Vasili nuk i ka kursyer kritikat dhe akuzat për kryeministrin Rama. Përmes një konference për mediet, Vasili e ka cilësuar kreun e qeverisë si ‘kryegënjeshtar’, duke u shprehur se në fjalën e tij gjatë ditës së sotme kishte më shumë gënjeshtra se sa të vërteta. Zyrtari i lartë i LSI-së, në fjalën e tij, nuk i kurseu edhe akuzat ndaj OSBE-së duke dënuar në këtë mënyrë kritikat ndaj opozitës aktuale dhe protestës së organizuar nga ajo dje.
“Ditë e jashtëzakonshme për Tiranën dhe për gjithë Shqipërinë. Kur pushteti i Ramës tregoi fitoren e vërtetë atë të lidhur me krimin. Kryegënjeshtari i Shqipërisë, kryeministri Edi Rama mashtroi gjithë dynjanë edhe me bëmat e 21 janarit. Të gjithë e kanë të kthjellët në mendje dhunën e ushtruar, gjakosjen e forcave të rendit. Kujtoni sesi u përfshi Tirana në zjarr dhe flakë dhe si u ngazëlleu për viktimat. Agron Malaj, ishte një ata të akuzuarit e Edi Ramës sot është kryetar bashkie.”-tha Vasili.
“Në dispozicion të 21 janarit organizuan një tentativë për grusht shteti. Është futur me makinë në kryeministri. Ky është Edi Rama i 21 janarit që me paturpësinë kërkon të fikë krimin e organizuar dje. Një turmë çakejsh të kriminalizuar u hodhën me njëri tjetrin. Rama i ka përzier duart aq keq, nuk çlirohet dot nga sindromi i duarve të larë në gjak të cilët më shumë do ta çmendin se do ta lajë. U urdhërua në mënyrë të drejtëpërdrejtë. Ka vetëm një rrugë, drejtësi të ashpër që do ta kuptojë çdo njeri. Do përgjigjet një për një. Shefi i OSBE-s në Tiranë nuk di se ku ka kokën. Shqiptarët nuk dinë se cilën OSBE të besojnë ata që mbyllin sytë para krimit. Ishin aty për të treguar se shqiptarët nuk i vë njeri për fundmi. Sa i takon zgjedhjeve të parakohshme janë një rrugë që Shqipëria do të hyjë dhe do të shikojë dritën. Është provuar botërisht që votat janë blerë nga krimi i organizuar, pra dosjet e publikuara nga Zëri i Amerikës i vejnë vulën ilegjitimitetit. Ky ka dalë si produkt i këtij parlamenti dhe ne duhet të bashkëjetojmë me krimin se ky vodhi votat. Më pas, krimi nuk amnistohet kurrë dhe që në momentin e parë që dallohet do ishte larguar vetë pa pasur nevojë që dikush të protesojë në rrugë. “- u shpreh Vasili.
