Ukraina në zgjedhje të parakohshme, komediani që u bë President shpërndan parlamentin në fjalimin e parë

Komediani që u shpall President në Ukrainë, Volodymyr Zelenskiy, pas betimit që bëri në Parlament menjëherë pas marrjes së detyrës, vendosi të shpërndajë parlamentin dhe të çojë vendin në zgjedhje të parakohshme.

Zelenskiy, pa një eksperiencë të mëparshme politike, mori detyrën një muaj më parë.

Zgjedhjet në Ukrainë do të mbaheshin në tetor të këtij viti, por në ceremoninë në Kiev, Presidenti deklaroi se do të shpërndante parlamentin.

Ai tha se do të luftonte egërsisht korrupsionin në vend dhe do të përfundonte konfliktin me rebelët e mbështetur nga Rusia në Lindje.

Në fjalimin e tij, Presidenti Zelenskiy u bëri thirrje gjithë ministrave të japin dorëheqjen dhe mos e adhurojnë Presidentin si idhull.

“Nuk dua portretin tim të varet në zyrat tuaja”, ka thënë Zelenskiy. “Presidenti nuk është ikonë ose idhull. Varni portretet e fëmijëve tuaj dhe shihini në sy përpara se të merrni çdo vendim.”, ka shtuar ai, shkruan The Guardian, raporton Fast News Albania.

Presidenti që pas marrjes së detyrës ka shmangur daljet publike dhe në momentin që ka arritur në ndërtesën e parlamentit, është përballur me mbështetësit e tij të cilët kanë rrokur duart dhe e kanë pritur me entuziazëm.

Ai i ka bërë apel miliona ukrainasve që kanë emigruar nga vendi të kthehen dhe të ndërtojnë një Ukrainë të re dhe të suksesshme.

Ai citoi Ronald Reganin, aktorin amerikan që u bë president :” Qeveria nuk është zgjidhje për problemin tonë, qeveria është vetë problemi”.

Burimi: The Guardian

Përshtati në shqip: Fast News Albania