Tre deputetë i shtohen ‘opozitës së re’, kush janë kandidatët e rinj që morën mandatin nga KQZ

Sot kanë marrë mandatin e deputetit nga Komisioni Qëndror i Zgjedhjeve tre deputetë të rinj.

Përkatësisht KQZ i ka dhënë mandatin Suzana Topit nga lista e LSI në Elbasan, ndërsa nga lista e PD-së në Tiranë, KQZ i ka dhënë mandatin Selami Jenishehrit dhe Besnik Troplinit.

Në qarkun e Elbasanit, Suzana Topi ka qenë e fundit kandidate nga listat e LSI-së që ka marrë mandatin pasi emrat e kandidatëve të kësaj partie kanë përfunduar në këtë qark.

Betimi i tre deputetëve të rinj do të bëhet në seancën plenare të rradhës në Kuvend e cila do të zhvillohet ditën e enjte.