5 persona janë arrestuar pasi transportonin lëndë narkotike nga Shqipëria me destinacion Italinë. Mediat italiane bëjnë të ditur se në pranga kanë rënë 1 shqiptar dhe 4 italianë. Arrestimi i tyre u bë në Firenze, Siena, Brindisi dhe Vlorë.
Këta persona mësohet të jenë përgjegjës për trafikun e gjysmë ton marijuane, të sekuestruar nga policia. Nga hetimet, policia italiane ka mundur të zbërthejë grupin që kishte krijuar organizatën në fjalë, e cila merrej kryesisht me trafikun e marijuanës nga Shqipëria në Itali.
Malli që nisej nga Shqipëria, me të mbërritur në brigjet pulieze, paketohej e bëhej gati për tu shpërndarë në tregjet italiane.
